Sámi statistihka fágalaš analysajoavku
Artihkal | Maŋimuš ođasmahttojuvvon: 02.05.2022 | Gielda- ja guovlodepartemeanta
Sámi statistihka fágalaš analysajoavku almmuha jahkásaččat raportta mas sámi statistihkka lea kommenterejuvvon. Raporta lea mielde lasiheamen dakkár máhtu maid ráđđehus ja Sámediggi sáhttet geavahit sámepolitihkalaš bargui.
Sámediggi ja ovddeš Bargo- ja searvadahttindepartemeanta ásahedje Sámi statistihka fágalaš analysajoavkku golggotmánu 1. b. 2007.
Sámi statistihka fágalaš analysajoavkkus leat vihtta lahtu. Sámi allaskuvla, UiT Norgga árktalaš universitehta, Davvi universitehta ja Statistihkalaš guovddášdoaimmahat nammadit juohkehaš ovtta lahtu. Dasa lassin nammada viđát guoskevaš ásahus ovtta lahtu, maid departemeanta ja Sámediggi ovttas válljejit juohke njealját jagi. Juohke ásahus nammada ieš iežas áirasa ja várreáirasa sutnje. Dábálaš doaibmaáigi lea njeallje jagi.
Fágalaš analysajoavku galgá maŋimustá geassemánu 30. b. juohke jagi geiget raportta Gielda- ja guovlodepartementii ja Sámediggái. Raporta galgá, nu guhkás go vejolaš, čájehit Norgga bealde sámi servodaga visogovalaš dili ja ovdánansojuid.
Čállingoddi lea ásahuvvon Sámi allaskuvlii.
Sámi statistihka fágalaš analysajoavkku njuolggadusat.pdf