Ođđa doarjja ássanviesuide boaittobeale guovlluin

- Ráđđehus evttoha ođđa 20 miljovnna sturrosaš doarjaga  jagi 2012 bušeahtas buoridan dihtii viessofálaldaga gielddain gos lea smávva ja eahpesihkkaris viessomárkan ja/dahje viessováilivuohta, muitala gielda- ja guovloministtar Liv Signe Navarsete.

Dát ortnet gusto 10-12 gildii guovlopolitihkalaš doaibmaguovllus. Gielddat sáhttet atnit doarjaga hukset ođđa viesuid, divodit dahje earáhuhttit viesuid láigoheami várás. Gielddat sáhttet maid addit doarjaga vuođđudusaide, servviide ja dakkáraččaide geat háliidit hukset láigoviesuid. Dasto sáhttet gielddat addit doarjaga eaŋkil olbmuide geat háliidit hukset alcceseaset viesu boaittobeale guovlluin.

- Ortnet lea dehálaš dan sivas go olu smávva gielddain sáhttet leat bargosajit, muhto eai nagot fállat ássanviesu sisafárrejeddjiide. Dát prošeakta álkidahttá rekruteret gelbbolašvuođa dáid gielddaide, cealká Navarsete. 

Ortnet galgá maid gielddain buoridit máhtu vai sáhttet leat mielde ovdánahttimin buorre ássanviessodili. Olu boaittobeale gielddaide sáhttá ássanviesu investeren ekonomalaš riska. 

Viessobáŋku hálddaša dán ortnega. Čavčča mielde ja jagi 2012 álggus álggahuvvo proseassa válljet gielddaid geat dása galget searvat.

Gielda- ja guovlodepartemeantta preassatelefovdna: 22 24 25 00.