Ealáhusfoanda nanne báikkálaš ealáhus- ja servodatovddideami

Gielddalaš ja guvllolaš ealáhusfoanda (KNF) nanne, sihkkarastá ja ásaha bargosajiid – dávjá joatká ovddideamis doaimmaid mat leat juo ásahuvvon. Gieldda dahje guovloráđi báikkálaš ealáhus- ja servodatovddideami láidesteaddji rolla nannemis lea foanda hirbmat dehálaš.  

Rambøll Management Consulting lea ovttas Agderforskning ja Telemarkforskning ásahusaiguin árvvoštallan Gielddalaš ja guvllolaš ealáhusfoandda (KNF) Gielda- ja guovlodepartemeantta dáhtu mielde. Ulbmilin lei árvvoštallat movt KNF váikkuha báikkálaš ealáhus- ja servodatovddideapmái.

- Gielddain lea ovddasvástádus ovddidit bargosajiid ja bivnnuhis báikegottiid. Árvvoštallan nanne dan ahte gielddalaš/guvllolaš ealáhusfoanddas lea stuorra mearkkašupmi ja váikkuha dasa ahte juksat boaittobeliid- ja guovlopolitihkalaš našunála ulbmiliid, dadjá stáhtaráđđi Liv Signe Navarsete.

Gielddalaš ealáhusfoandda doarjagat leat dagahan ahte gielddat/guovllut leat šaddan bivnnuhis mátkkoštanbáikin, ássanbáikin ja dehálaš báikin ásahit bargosajiid.

Doarjagat leat erenoamáš dehálaččat smávva ja boaittobeale gielddaide. Árvvoštallama bohtosat čájehit ahte huksenjođiheddjiide lea ealáhusfoanda hui dehálaš  álgodásis.

KNF váikkuhangaskaoapmin soahpá bures báikkálaš heiveheapmái. Máškitvuohta ja báikkálaš heiveheapmi lea eaktun dasa ahte deavdit báikkálaš ealáhus- ja servodatovddideami láidesteaddji rolla.

Árvvoštallan čájeha ahte gielddalaš/guvllolaš ealáhusfoandaruđat maiddái váikkuhit eará ruhtademiide. Dasa lassin bohtet árvvoštallamis ovdan dehálaš dieđut ovttasbarggu birra almmolaš hálddašeddjiid gaskkas báikkálaš ja guvllolaš dásis.

• Dás gávnnat árvvoštallama raportačoahkkáigeasu, gárvvistuvvon guovvamánus 2012.

Gielda- ja guovlodepartemeantta preassatelefovdna: 22 24 25 00