Barentsmeara lobihis guolásteami hehtten ávkkuha ain
Historjjálaš arkiiva
Almmustahttináigodat Regjeringen Stoltenberg II
Almmustahtti: Guolástus- riddodepartemeanta
Preassadieđáhus | Nr: 38/2012 | Almmustahtton: 23.05.2012
Lea goalmmát jahki maŋŋálagaid, go eai leat gávnnahan geange guolástan lobi haga badjelmeari dorski dahje diksu Barentsmearas.
Lea goalmmát jahki maŋŋálagaid, go eai leat gávnnahan geange guolástan lobi haga badjelmeari dorski dahje diksu Barentsmearas.
– Áŋgiruššan lobihis bivddu vuostá lea addán buriid bohtosiid, nu ahte mii dál vásihit Barentsmeara ja Norggameara guollebivddu measta buorebun go goassige ovdal, guolástus- ja riddoministtar Lisbeth Berg-Hansen dadjala.
Seahkalas norgga-ruošša guolástuskommišuvdna lea iskkadan lobihis badjelmeari bivddu, ja lea earret eará čohkken fatnasiid dieđuid, ja man ollu dat leat oktiibuot bivdán dorski ja diksu Barentsmearas ja Norggamearas 2011.
– Min ja Ruošša oktasaš bargu lea leamaš mávssolaš dorske- ja diksonáli buori nálleovdáneapmái, ja dat nanne, ahte lea ávki bargat ulbmillaččat lobihis bivddu hehttemiin, Berg-Hansen dadjala.