Norga – stuora mearranašuvdna

Lea vuosttaš geardde go lea ráhkaduvvon viiddis ja ovddasvástideaddji strategiija mariidna suorggi dutkan ja ovdáneami vuoruhemiide ovddasguvlui. DjO – strategiija “Norga – Stuora Mearranašuvdna” geigejuvvui odne guolástus- ja riddoministarii Lisbeth Berg- Hansen.

- Šaddá hui gelddolaš lohkat HAV21 rávvagiid, ja mun illudan oažžut guoskevaš departemeanttaid ja mariidna ealáhusa searvat go bargu galgá čuovvoluvvot. Jus boahtteáiggis galgat lihkostuvvat, de ii leat eahpádus ge ahte mii dárbbašit ulbmilaš nannema dutkamis ja ovdáneamis. Dat ii leat maid eahpádus ge ahte eiseválddit, ealáhuseallin ja dutkanbirrasat fertejit ovttasbargat boahtteáiggis loktet mariidna diehtoovdánahttima, lohká guolástus- ja riddoministtar Lisbeth Berg- Hansen.

Ráđđehusa bargogohččosa vuođul álggahuvvui HAV21 strategiijajoavku 2011 čavčča. Dan ulbmil lea leamaš geahččat dutkan- ja ovdánahttinbarggu mariidna suorggis oktavuođas, ja bidjat ovdan ođđa gelbbolašvuođa- ja teknologiijaovdáneami dárbbuid.

Norggas leat buorit vejolašvuođat lasihit norgga oktasaš árvoháhkama dakko bokte go nanne  mariidna suorggis gelbbolašvuođa- ja ealáhusovdáneami. Jurdda lea ahte HAV21 galgá leat mielde ásaheamis oktasaš ipmárdusa mariidna suorggi gelbbolašvuođadárbbuide ja mot daid berre dustet.

Dutkanráđđi lea leamaš čállingoddi bargui, ja lea ráhkaduvvon sierra ruovttusiidu bargui www.hav21.no. Strategiijajoavkkus leat leamaš njunuš ealáhus-, hálddašan- ja dutkanovddasteaddjit. Liv Monica Stubholt lea jođihan barggu.

HAV21 raportta sáhttá viežžat Dutkanráđi ruovttusiidduin: www.forskningsradet.no