Ráhkis sátnejođiheaddji!
Historjjálaš arkiiva
Almmustahttináigodat Regjeringen Stoltenberg II
Almmustahtti: Máhttodepartemeantta
Oslo, guovvamánu 17.b.2011
Ođas | Almmustahtton: 18.02.2011 | Maŋimuš ođasmahttojuvvon: 14.01.2012
Givssideami ferte heađuštit báikkálaččat, gielddas gos orut ja skuvllain. Váldde vuostá hástalusa – ja vuolgge fárrui vuosttaldit givssideami!
Ráhkis sátnejođiheaddji!
Otne álggahan ávžžuhusdoaimma oažžun dihtii buot riikka sátnejođiheddjiid oktasaččat vuosttaldit givssideami!
Mii fertet ovttasráđiid bargat vai lihkostuvvat eastadit givssideami.
Mánát ja nuorat leat boahtteáigi ja mis lea buohkain ovddasvástádus sidjiide lágidit oadjebas ja givssitkeahtes birrasa mii addá buohkaide buriid ovdánahttinvejolašvuođaid.
Ráđđehus ja guovddáš našunála áššeoasálaččat vuolláičálle ođđajagimánu 27.b. ođđa Julggaštusa givssideami vuostá (2011-2014). Julggaštus givssideami vuostá lea bovden buot riikka sátnejođiheddjiid vuolláičállit báikkálaš julggaštusa ja dáinna lágin geatnegahttit iežaset oasálastit dán dehálaš eastadandoaimmas.
Givssideami ferte heađuštit báikkálaččat, gielddas gos orut ja skuvllain. Váldde vuostá hástalusa – ja vuolgge fárrui vuosttaldit givssideami!
Oainnusindahkat dán deháláš barggu ja stafeahta ovdáneami, ráhkaduvvo norggakárta mii galgá čalmmustahttit daid gielddaid mat vuolláičállet julggaštusa, ja mun čuovun gelddolaččat mielde mat fylkkat ovddimusat searvádahttet gielddaideaset.
Eanet dieđuid mo dii sáhttibehtet searvat Julggaštussii givssideami vuostá, gávdnabehtet dás: www.kunnskapsdepartementet.no.
Dán oktavuođas ávžžuhan din meannudit dán ášši iežadet gielddas, ja vuolláičállit báikkálaš julggaštusa. Ustitlaš dearvuođat Kristin Halvorsen Máhttoministtar