Ođđa raporta sámi dutkama ja alit oahpahusa birra

-Lea dehálaš ahte sámi dutkan ja alit oahpahus oažžu buriid ovdánanvejolašvuođaid. Mun jáhkán maid ahte ovddideapmi  mii dáhpáhuvvá dáid surggiin mearkkaša olu eanet go dan maid mii otne nagodat oaidnit. Dan dajai máhttoministtar Kristin Halvorsen go son otne vuostáiválddii raportta lávdegottis mii lea čielggadan sámi dutkama ja alit oahpahusa.

• Lenke til pressemelding fra utvalget

Lávdegoddi, maid professor Nils A Butenschøn lea jođihan, nammaduvvui borgemánus 2010.  Dát lei boađus go ráđđehus maŋimuš dutkandieđáhusastis , Klima for forskning (St.dieđ.nr 30 (2008-2009) mearridii nammadit lávdegotti “čielggadit mo sámi dutkan ja eamiálbmotdutkan ovdána,    dárbbuid ja ulbmiliid mas strategalaš ovttasbargorámmat ja ásahus- ja fierpmádathuksen lea mielde”.   Lávdegotti váldi lei árvvoštallat sámi dutkama ja alit oahpahusa viidát guvllolaš, riikkalaš ja riikkaidgaskasaš geahčadanhálttis. 

Stáhtaráđđi deattuha ahte lávdegotti árvvoštallamat dahket nana vuođu viidáset bargui ovddidit sámi dutkama ja alit oahpahusa. –Mun sáhtán lohpidit ahte mii áigut raportta guorahallat hui dárkilit. Son maiddái ovdanbuvttii ahte Kvalitehtaođastusa mielde čuovui sierra stuoradiggedieđáhus sámi alit oahpu ja dutkama birra (St.dieđ.nr. 34 (2001-2001) gos ráđđehus mearridii nannet allaskuvlla fágabirrasa. Kvalitehtaođastusa maŋŋá leat maiddái eará dehálaš huksengeađggit sajáiduvvon.  Earret eará lea Sámi allaskuvla ožžon ođđa viesu  gos lea sadji ja vejolašvuođat, ja mii movttiidahttá aktiivvalaččat ovddidit sámi guoskevaš áššiid, ja Davviriikkalaš Sámi Instituhtta lea oassi allaskuvllas.

-Dutkansuorgi man lávdegoddi galggai čielggadit leai viiddis, ja lean viissis ahte lea leamaš ollu bargu, jurddašeapmi, ságastallan ja jurddadávisteapmi geigejuvvon raportta duogábealde,  celkkii stáhtaráđđi.

Lávdegotti oasseváldit:

Professor Nils A. Butenschøn, jođiheaddji

Sierraráđđeaddi Kari Morthensen

Professor Nils Oskal

Allaskuvlalektor Per Ravna

Lektor Anni-Siiri Länsman

Ph.d.-stipendiáhta Johan Strömgren

Háld.jođiheaddji Else Grete Broderstad