Bovde veahkkálasbargui vai eanebut sáhttet bargat guhkit

– Penšuvdnaođastus galgá mieldeváikkuhit dasa ahte eanet olbmot  válljejit bargat guhkit áiggi.  Ráđđehus čađaha maiddái olu eará doaibmabijuid dainna ulbmilin ahte lasihit bargofámuid.  Muhto jos dát galggaš boahtit ávkin, de lea dat dan duohken ahte bargoeallin bures váldá vuostá dán bargofámu.  Almmolaš ja priváhta suorggi jođiheaddjit fertejit dál váldit ovddasvástádusa ja eanet ráhčat ja láhčit diliid buorebut, celkkii stáhtaministtar Jens Stoltenberg NHO jahkekonfereanssas gaskavahku.

Stáhtaministtar Jens Stoltenberg sárdnida dán jagi NHO-konfereanssas. Govven: Stáhtaministtar kantuvra.  Geahča eanet govaid dáppe: Flickr.

Penšuvdnaođastus mielddisbuktá ahte bargofápmu sakka lassána boahttevaš jagiid.  Stoltenberg namuhii maiddái earret eará NAV-ođastusa, čáhkkilis bargoeallima ja ođđa penšuvdnavearuhusa ovdamearkan doaibmabijuide mat galget váikkuhit dasa ahte eanet bargofápmu lea gávdnamis.

– Mii fertet ovttasráđiid sajáiduhttit čovdosiid vai sii geat háliidit ealáhahkii mieđaid mieđaid sáhttet dan dahkat, ja sidjiide geat fas iešguđetlágan sivaid geažil eai sáhte bargat 100 proseantta galgá maid sadji bargoeallimis.  Mis galgá sadji báris ahkásaččaide ja sidjiide geain leat dearvvašvuođa váttisvuođat, logai Stoltenberg.

– Ovttasráđiid mii fertet guorahallat ja jávkadit hehttehusaid, ja fuolahit ahte sii geat háliidit guhkit áiggi bissut bargoeallimis galget oažžut dan vejolašvuođa.  Dán oktavuođas lea almmolaš ja priváhta suorggis stuora ovddasvástádus, dajai Stoltenberg.