Áiggiid girkobušeahtta
Historjjálaš arkiiva
Almmustahttináigodat Regjeringen Stoltenberg II
Almmustahtti: Ođasmahttin-, hálddahus- ja girkodepartemeanta
Preassadieđáhus | Almmustahtton: 05.10.2010
Norgga girku lea okta bušeahttavuoitiin ráđđehusa jagi 2011 stáhtabušeahttaárvalusas. Evttohuvvo ahte julludeapmi girkui lasihuvvo oktiibuot 158 milj. ruvnnuin. Dat mearkkaša 10,9 proseantta lassáneapmi jagi 2010 sáldejuvvon bušeahta ektui.
Norgga girku lea okta bušeahttavuoitiin ráđđehusa jagi 2011 stáhtabušeahttaárvalusas. Evttohuvvo ahte julludeapmi girkui lasihuvvo oktiibuot 158 milj. ruvnnuin. Dat mearkkaša 10,9 proseantta lassáneapmi jagi 2010 sáldejuvvon bušeahta ektui.
- Mun lean ilus go sáhtán almmuhit historjjálaččat buori girkobušeahta. Ruđat oskooahpahussii, eanet báhpaide ja eambbo ruđat čađahit girkoválggaid buori vuogi mielde, nannejit girku vejolašvuođaid dustet ollu áigeguovdilis hástalusaid, dadjá girkostáhtaráđđi Rigmor Aasrud. Son cealká ahte girkosoahpan ja demokratiijaođastus galget láhčit dilálašvuođaid nu ahte Norgga girku galgá sáhttit bisuhuvvot ja ovddiduvvot rabas ja searvadeaddji álbmotgirkun, mii lea viidát vuođđuduvvon girkomiellahtuide.
Girkolaš válggat leat dehálaš oassi girkosoahpamis ja demokratiijaođastusas. Girkoválggat ožžot jagi 2011 ekonomalaš ráma mii lea seamma stuoris go dat lei 2009, mii mearkkaša eambbo go 70 milj. ruvnnu.
Ráđđehus árvala doarjut ođastusa lassi 27 milj. ruvnnuin, nu ahte doarjja dál lea measta 200 milj. ruvnnu. Dát mearkkaša stuorámus jahkásaš juolluduslassáneami dan rájes go ođastus álggahuvvui. Mo ruđat geavahuvvojit, galgá Girkoráđđi mearridit.
Vuosttas gearddi máŋgga jahkái lea bušeahttaárvalussii biddjojuvvon 5 milj. ruvnnu ođđa báhpavirggiide. Ođđa virggit leat erenoamážit jurddašuvvon daidda guovlluide riikkas main leat viehka uhccán báhpat girkomiellahtuid logu ektui. Vuosttažettiin dat guoská Borga ja Stavangera bismagottiide.
Girkovisttit ovddastit Norgga kulturárbbi dehálaš oasi ja leat hui mávssolaččat ollu báikegottiide. Jagi 2005 rájes gitta otnážii leat investeremat riikka girkovisttiid ortnegisdoallamii ja ođasteapmái jna. lassánan ja šaddan eambbo go golmmageardásažžan. Ortnet stáhtalaš reantobuhtademiin girkovisttiid ođasteami oktavuođas lea, gielddaekonomiija oppalaš nannemiin, váikkuhan dasa ahte áŋgiruššan dán suorggis lea buorránan. Jagi 2011 stáhtabušeahtas árvaluvvo ahte reantobuhtadusortnegii gulli investerenrápma stuoriduvvo 400 milj. ruvnnuin.