Gielddus gaskkustit mávssu ruhtaspealuide Norgga lobiaddima haga
Historjjálaš arkiiva
Almmustahttináigodat Regjeringen Stoltenberg II
Almmustahtti: Kulturdepartemeanta
Preassadieđáhus | Nr: 11/10 | Almmustahtton: 19.02.2010 | Maŋimuš ođasmahttojuvvon: 28.04.2010
Láhkaásahus gildosa birra gaskkustit mávssu ruhtaspealuide maidda Norga ii leat addán lobi, dohkkehuvvui otná stáhtaráđis. Láhkaásahus mielddisbuktá ahte báŋkkut ja máksinásahusat gildojuvvojit gaskkustit máksimiid Norggas olgoriikalaš speallodoaimmaheaddjiide.
Láhkaásahus gildosa birra gaskkustit mávssu ruhtaspealuide maidda Norga ii leat addán lobi, dohkkehuvvui otná stáhtaráđis. Láhkaásahus mielddisbuktá ahte báŋkkut ja máksinásahusat gildojuvvojit gaskkustit máksimiid Norggas olgoriikalaš speallodoaimmaheaddjiide.
- Láhkaásahus lea dehálaš doaibmabidju ráddjet viides lobihis ja sorjjasvuođa cieggadeaddji ruhtaspealuid Norggas, dadjá kulturministtar Anniken Huitfeldt. – Norggas lea falleheaddji politihkka lobihis ruhtaspealuid vuostá ja lea vuosttas riika Eurohpas mii mearrida dakkár gildosa, muhto eanet riikkat EUs leat ráhkkaneamen čađahit dakár riikkalaš máksingildosiid, dadjá stáhtaráđđi Huitfeldt.
Láhkaásahus mearkkaša ahte báŋkkut ja máksinásahusat Norggas gildojuvvojit gaskkustit mávssu Norggas geavahanbáikkiide Norgga olggobealde mat leat registarastojuvvon geavaheaddjibáikekodain 7995 (ruhtaspeallodoaibma). Gielddus ii guoskka máksui speallodoibmii Norggas, dás maiddái Norsk Tippingii ja Norsk Rikstotoi. Stuorradiggi mearridii juovlamánus 2008 láhkagildosa máksogaskkusteami vuostá dakkár ruhtaspealuide maidda Norga ii leat addán lobi. Láhka ja láhkaásahus fámuiduvvet geassemánu 1. beaivvi 2010.