Calendar
06/05/2024
-
Statsministeren deltek i gallamiddag i samband med statsbesøk frå Moldova
Jonas Gahr Støre | Statsministerens kontor
Stad: Slottet
Moldovas president Maia Sandu er på offisielt besøk. Statsminister Jonas Gahr Støre deltek i gallamiddag på Slottet i samband med statsbesøket.
07/05/2024
-
Statsministeren møter Moldovas president
Jonas Gahr Støre | Statsministerens kontor
Stad: Statsministerbustaden
Statsminister Jonas Gahr Støre møter Moldovas president Maia Sandu i statsministerbustaden.
Ein fotopool beståande av akkrediterte fotografar frå NTB og NRK/TV2 kan fotografere når presidenten kjem til statsministerbustaden, og ved starten av møtet.
Oppmøte for akkrediterte fotografar (sjå lenke til UD lenger ned) i Riddervoldsgate 2 seinast kl. 10.00. Ta med pressekort og gyldig id.
Akkrediteringsfrist for statsbesøket er 30. april.
Kl. 11.15: Pressekonferanse med statsminister Jonas Gahr Støre og president Maia Sandu i regjeringa sitt representasjonsanlegg i Riddervolds gate 2. Pressekonferansen skjer på engelsk. Det er høve til å stille spørsmål i plenum.
Oppmøte for akkreditert presse seinast kl. 10.45 i Riddervolds gate 2. Ta med pressekort og gyldig id.
Pressekonferansen blir filma av Departementenes sikkerhets- og serviceorganisasjon (DSS) og kan følgjast direkte på www.regjeringa.no. Der kan også videofila lastast ned i etterkant. DSS distribuerer som vanleg publiseringspunkt til media som vil sende pressekonferansen direkte. DSS kan kontaktast på telefon 22 24 88 45 eller e-post dss-videoproduksjon@dss.dep.no.
Kl. 12.00: Statsministeren er vert for regjeringa sin lunsj for Moldovas president i regjeringa sitt representasjonsanlegg i Parkveien 45. Ein fotopool av akkrediterte fotografar frå NTB og NRK/TV 2 kan fotografere ved starten av lunsjen. Oppmøte seinast kl. 11.30 i Riddervolds gate 2.
Pressekontakt er kommunikasjonsrådgivar Andreas Bondevik, telefon 40 23 24 54, e-post andreas.bondevik@smk.dep.no.
14/05/2024
-
Statsministeren deltek på Summit on Clean Cooking in Africa
Jonas Gahr Støre | Statsministerens kontor
Stad: Paris
Statsminister Jonas Gahr Støre er i Paris og deltek på Summit on Clean Cooking in Africa, som statsministeren har invitert til i lag med Tanzanias president Samia Suluhu Hassan, direktøren for det internasjonale energibyrået IEA Fatih Birol og presidenten for den afrikanske utviklingsbanken Akinwumi A. Adesina.
Hensikta er å mobilisere auka bistand til rein matlaging med reintbrennande kokeomnar. I dag skjer mykje av matlaginga i land i Afrika og Asia over open eld og i omnar med forureinande brensel, som mellom anna fører til alvorlege helseproblem, lokal forureining, klimautslepp og avskoging.
Utviklingsminister Anne Beathe Tvinnereim deltek også på toppmøtet.
Presse som ønskjer å dekkje toppmøtet, må akkreditere seg til press@iea.org innan 29. april.
Pressekontakt for statsministeren er kommunikasjonsrådgivar Tone Hertzberg, telefon 91 19 13 13, e-post the@smk.dep.no.
Pressekontakt for utviklingsministeren er kommunikasjonsrådgivar Ane Jørem, ane.jorem@mfa.no, telefon 97 79 62 46.