Ny godsterminal i Trøndelag: Jernbaneverket tilrår Torgård i Trondheim kommune
Historisk arkiv
Publisert under: Regjeringen Solberg
Utgiver: Samferdselsdepartementet
Pressemelding | Nr: 03/2015 | Dato: 14.01.2015
- Jernbaneverket har kome med ei tydeleg tilråding om at ny godsterminal for Trøndelag skal leggjast til Torgård. Saman med den komande høyringsrunden vil rapporten gi regjeringa eit godt grunnlag for å avgjere kvar det nye logistikknutepunktet i Trondheimsregionen skal liggje, seier samferdselsminister Ketil Solvik-Olsen.
Allereie før påske i 2014 fatta regjeringa vedtak om at ny godsterminal i Trøndelag skulle lokaliserast sør for Trondheim. Jernbaneverket fekk i oppdrag å gjennomføre ei utgreiing og nærmare vurdering av dei to moglege lokaliseringane – Torgård i Trondheim kommune og Søberg i Melhus kommune.
Framskunda prosess
Utgreiinga er no ferdig etter at regjeringa i fjor framskunda arbeidet. Den førre regjeringa hadde bestemt seg for å vente med å ta stilling til konseptval til etter godsanalysen blir ferdigstilt sommaren 2015. Signal frå både transportetatane og transportbransjen var likevel tydelege på at det ikkje var naudsynt å vente på godsanalysen for å gjere vedtak om lokalisering av logistikknutepunkt.
Jernbaneverket sender no rapporten på høyring.
For fleire opplysningar – sjå mellom anna: