Endring i restriktive tiltak mot Elfenbeinskysten
Historisk arkiv
Publisert under: Regjeringen Støre
Utgiver: Europaportalen
Dato: 15.06.2011
Noreg slutta seg 7. juni til ei EU-erklæring om endringar i restriktive tiltak mot Elfenbeinskysten.
Erklæring frå den høge representanten på vegner av Den europeiske unionen om at visse tredjeland sluttar seg til rådsgjennomføringsavgjerd 2011/261/FUSP som gjennomfører avgjerd 2010/656/FUSP om vidareføring av restriktive tiltak mot Elfenbeinskysten (090611)
29. april 2011 vedtok Rådet rådsgjennomføringsavgjerd 2011/261/FUSP1. Rådsavgjerda fjernar einingar frå lista over personar og einingar som er omfatta av restriktive tiltak.
Formålet med denne erklæringa er å kunngjere at følgjande land har erklært at dei deler målsetjingane i rådsavgjerd 2011/261/FUSP: søkjarlanda Kroatia*, Den tidlegare jugoslaviske republikken Makedonia *, Montenegro* og Island+, dei potensielle søkjarlanda Albania og Serbia, som er med i stabiliserings- og assosieringsprosessen, EFTA-landa Liechtenstein og Noreg, som er medlemer av Det europeiske økonomiske samarbeidsområdet, Ukraina, Republikken Moldova, Armenia og Georgia.
Dei vil sørgje for at den nasjonale politikken deira er i samsvar med denne rådsavgjerda.
Den europeiske unionen merkjer seg dette engasjementet og seier seg glad for det.
1 Kunngjord 30.4.2011 i Tidend for Den europeiske unionen L 111, s. 17.
* Kroatia, Den tidlegare jugoslaviske republikken Makedonia og Montenegro er framleis med i stabiliserings- og assosieringsprosessen.
+ Island er framleis medlem av EFTA og Det europeiske økonomiske samarbeidsområdet.