Ein milliard meir til fattigdom
Historisk arkiv
Publisert under: Regjeringen Stoltenberg II
Utgjevar: Arbeids- og inkluderingsdepartementet
Pressemelding | Nr: 133/05 | Dato: 13.10.2009
Regjeringa følgjer opp og styrkjer handlingsplan mot fattigdom med vel ein milliard kroner i 2010.
Regjeringa følgjer opp og styrkjer handlingsplan mot fattigdom med vel ein milliard kroner i 2010.
Med Regjeringa sitt forslag i 2010-budsjettet har dei årlege løyvingane til tiltak mot fattigdom auka med 3,9 milliardar kroner frå 2006 til 2010.
– Vi har eit bredt førebyggjande perspektiv på fattigdom og legg vekt på å gjere noko med forhold som er med på å skape og oppretthalde fattigdom i oppvekstmiljø og utdanningssystem, arbeidsmarknad og arbeidsliv og i velferdsordningane, seier arbeids- og inkluderingsminister Bjarne Håkon Hanssen.
– Vi foreslår i statsbudsjettet for 2010 å styrkje innsatsområde som skule og barnehage. Regjeringa styrkjer også kommuneøkonomien i 2010. Det gir betre rammevilkår for å yte kommunale velferdstenester til dei som treng det mest, seier statsråden.
Regjeringa foreslår å styrkje løyvinga til dekning av kommunanes meirkostnader knytt til kvalifiseringsprogrammet med 209 millionar kroner, til 769 millionar kroner i 2010. Dette er ein følgje av at tilbodet om kvalifiseringsprogram blir tilgjengeleg for stadig fleire. Det blir i tillegg stilt ressursar til disposisjon for deltakarane i form av tiltak som Arbeids- og velferdsetaten har ansvaret for.
– Kvalifiseringsprogrammet er eit av dei viktigaste tiltaka i Regjeringas innsats mot fattigdom. Vi vil førebyggje og gi betre mogelegheiter for dei som i dag er avhengige av økonomisk sosialhjelp som hovudinntektskilde over lengre periodar. Formålet er å styrkje deltakaranes mogelegheit til å komme i arbeid, seier Bjarne Håkon Hanssen.
Regjeringa foreslår vidare å auke minsteytinga for rehabiliteringspengar, attføringspengar og tidsavgrensa uførestønad, frå 1,97 til 2 G, og å auke overgangsstønaden for einslege forsørgjarar, frå 1,97 til 2 G, frå 1. mai 2010. Rehabiliteringspengar, attføringspengar og tidsavgrensa uførestønad vil bli erstatta av arbeidsavklåringspengar frå 1. mars 2010.
Les meir i fagproposisjonane til Arbeids- og inkluderingsdepartementet og dei respektive fagdepartementa.
Satsinga i 2010 fordeler seg på følgjande tiltak (i millionar kroner):
|
Tiltak |
Mill. kroner |
|
Arbeid: |
|
|
Kvalifiseringsprogrammet (AID) |
209,3 |
|
Styrkje tilbakeføringa av innsette og domfelte til samfunnet (JD) |
17,0 |
|
Barn og unge: |
|
|
Heilskapleg skuledag, gratis leksehjelp (KD) |
177,6 |
|
Auka gjennomføring av vidaregåande opplæring (KD) |
58,0 |
|
Levekår: |
|
|
Bustøtte (KRD) |
427,0 |
|
Tiltak ovafor rusmiddelavhengige (HOD) |
124,2 |
|
Styrkjing av lavterskeltilbod for rettshjelpssøkjande (JD) |
5,0 |
|
Utviding av fylkesmannens tilsynsansvar (FAD, HOD) |
10,5 |
|
Sum |
1 028,6 |
Regjeringas styrkede innsats mot fattigdom 2006-2010
|
2006 |
2007 |
2008 |
2009 |
2010 | |
|
Arbeid |
42,9 |
259,9 |
464,4 |
980,1 |
1 206,4 |
|
Barn og unge |
7,6 |
47,6 |
67,6 |
102,6 |
338,2 |
|
Levekår |
483,3 |
935,8 |
1 102,4 |
1 828,7 |
2 395,4 |
|
Samlet styrking |
533,8 |
1 243,3 |
1 634,4 |
2 911,4 |
3 940,0 |