Høgare fart for rullestolar
Historisk arkiv
Publisert under: Regjeringen Solberg
Utgjevar: Samferdselsdepartementet
Pressemelding | Nr: 26/19 | Dato: 11.03.2019
Samferdselsministeren har i dag bede Vegdirektoratet foreslå naudsynte endringar for at rullestolbrukarar skal få køyre i 15 km/t. - Ein slik fartsauke er ønskt av brukarane, samtidig må vi sørge for at det ikkje går utover trafikktryggleiken for andre trafikantar, seier samferdselsminister Jon Georg Dale.
I dag kan rullestolbrukarar køyre i 10 km/t. Med betre rullestolar, vert rullestolar òg nytta andre stader i trafikken enn berre på fortau. Derfor ønsker regjeringa no å legge til rette for ei auke til 15 km/t.
Ein slik fartsauke krev endringar i regelverket, mellom anna i trafikkreglane. Vegdirektoratet skal no utarbeide forslag til endring og sende dette på høyring.
For fleire opplysningar - sjå:
- Brev fra Samferdselsdepartementet til Vegdirektoratet om forslag til endring og høyring