Lars Henrik Haugan utnemnd til prost i Indre Finnmark prosti

Sjømannsprest Lars Henrik Haugan (62) er i statsråd fredag utnemnd til prost i Indre Finnmark prosti.

Haugan har utdanning i teologi og jus. I fleire år har han arbeidd som advokat i forsikringsbransjen. Lars Hendrik Haugan var prostiprest og kapellan i Finnmark frå 1987 til 2001 og fungerande sokneprest i Indre Finnmark prosti frå 2002 til 2006.  Frå 2006 og til i dag har han arbeidd som sjømannsprest og dagleg leiar for Den norske sjømannskyrkja i Pattaya i Thailand.