Vidar Landmark avdelingsdirektør i Fiskeri- og kystdepartementet

Vidar Landmark er i statsråd utnemnd til avdelingsdirektør i Fiskeri- og kystdepartementet. Landmark skal arbeide i Ressurs- og havavdelinga. Avdelinga arbeider blant anna med ressursforvaltning, flåtestruktur, fiskeriøkonomi og havmiljø.

Landmark er 46 år og utdanna jurist ved Universitetet i Oslo.

Vidar Landmark har arbeidd i Justisdepartementet, hos Sivilombodsmannen, i Fiskeri- og kystdepartementet og to år i advokatfirma. Landmark har samla vore tilsett i meir enn ti år i Fiskeri- og kystdepartementet. Han har sidan 2003 hatt fagleiaransvar for juristane i avdelinga. Landmark har vore nestleiar i Seksjon for fiskeriøkonomi og struktur sidan 2007, og det er i denne seksjonen han no vert avdelingsdirektør og seksjonsleiar.