Vigdis Moen Storhaug utnemnd til prost i Hallingdal

Vigdis Moen Storhaug vart i statsråd fredag utnemnd til prost i Hallingdal.

Vigdis Moen Storhaug vart utdanna som cand. theol frå Menighetsfakultetet i 2001. Ho har brei erfaring frå arbeid i kyrkja og i sokneråd. Vigdis Moen Storhaug har arbeidd med søndagsskule og korverksemd, og har vore medlem i kyrkjelege råd og utval. Vidare har ho praksis som organist/musikkarbeidar, vikarlærar, gravferdskonsulent og prest i tillegg til å rettleie teologistudentar i praksis.