2 Utviklinga i fiskerinæringa dei seinare åra og utsiktene for 2001

Budsjettnemnda sine lønsemdundersøkingar for dei seinare åra viser store variasjonar i arbeidsgodtgjersle og lønsevne for ulike fiskeri og fartøystorleikar. Etter ein generell oppgang fram til 1998 har det vore ein nedgang i arbeidsgodtgjersla og lønsevna per årsverk frå 1998 til 1999, jf. tabell 2.1. Lønsevna har hatt større reduksjon enn arbeidsgodtgjersla. Arbeidsgodtgjersla og lønsevna er betydeleg høgare innanfor storbåt enn innanfor småbåt. Arbeidsgodtgjersla innanfor storbåt torskesektor vart redusert med 4,9 pst. og i storbåt sildesektor med 11,5 pst., medan lønsevna i dei respektive sektorane vart redusert med 16,3 pst. og 29,2 pst. frå 1998 til 1999. For småbåt har det i same periode vore ein nedgang på 5,4 pst. i arbeidsgodtgjersla, medan lønsevna per årsverk vart redusert med 11,1 pst.

Tabell 2.1 viser utviklinga i arbeidsgodtgjersle og lønsevne per årsverk for den heilårsdrivne flåten, og tal for gjennomsnittleg årsløn for ein industriarbeidar i perioden 1994 til 1999.

Fangstutviklinga dei seinare åra har vore som vist i tabell 2.2.

Tabell 2.1 Arbeidsgodtgjersle og lønsevne per årsverk for den heilårsdrivne fiskeflåten og gjennomsnittleg årsløn for industriarbeidarar 1994-1999

	1994	1995	1996	1997	1998	1999	Endring 1998-99
	1 000 kroner per årsverk
Arbeidsgodtgjersle
Storbåt (over 13 m)	323	360	356	393	454	*
- torskesektor	306	339	310	338	409	389	- 4,9 pst
- sildesektor	378	437	506	566	582	515	- 11,5 pst
Småbåt (8-13 m)	136	133	135	137	205	194	- 5,4 pst

Lønsevne
Storbåt (over 13 m)	343	413	407	484	543	*
- torskesektor	337	390	312	366	497	416	- 16,3 pst
- sildesektor	361	495	717	851	812	575	-29,2 pst
Småbåt (8-13 m)	120	117	117	132	216	192	-11,1 pst
Industriarbeidarløn	183	189	197	204	217	227	4,7 pst

* Alle tal for 1999 føreligg ikkje.

Note: Arbeidsgodtgjersle per årsverk viser avløninga til fiskarar som står ombord i eit heilårsdrive fartøy heile driftstida til fartøyet det aktuelle året. For enkelte driftsformer kan det stå meir enn ein person bak eit årsverk. Lønsevna per årsverk gir uttrykk for kor mykje verksemda kan betale til innsatsfaktoren arbeidskraft etter at andre kostnader er dekte. Tala for 1999 byggjer på førebelse tal frå budsjettnemnda sine lønsemdundersøkingar per oktober 2000.

Tabell 2.2 Fangstkvantum og førstehandsverdi 1994-2000

	1994	1995	1996	1997	1998	1999¹)	2000²)
	1 000 tonn rund vekt
Sildefisk mm.	1 536	1 697	1 795	2 026	2167	1920	2169
- lodde	113	28	206	158	89	87	376
- sild	539	687	758	926	831	831	800
- makrell	260	202	136	137	158	161	172
- hestmakrell	95	96	16	47	13	47	15
- kolmule	226	261	356	348	671	534	550
- augepål/tobis	260	382	264	398	371	238	222
- anna	43	41	59	7	34	22	34

Torskefisk mm.	801	821	837	836	670	677	580
- torsk	373	366	359	401	262	257	218
- sei	189	219	222	184	194	198	160
- hyse	74	80	97	106	54	53	46
- lange/brosme	39	38	39	30	45	43	40
- reker	38	39	35	43	60	64	62
- skjel	8	7	0	0	0	0	0
- anna	80	72	85	72	55	62	54
Totalt	2 337	2 518	2 632	2 862	2 837	2 597	2 749
	Verdi i mill. kroner
Førstehandsverdi	7 349	8 170	8 552	9 164	10 540	9 918	9 200

¹) Førebelse tal.

²) Prognosar

Totalt fangstkvantum for 2000 vert høgare medan førstehandsverdien for 2000 vert lågare enn det partane la til grunn under forhandlingane i fjor. Prognosen for førstehandsverdien i 2000 ligg på om lag 9,2 mrd. kroner. Drivstoff utgjer ein relativt stor del av dei totale kostnadene for fiskeflåten, og auken i oljeprisane har difor hatt særleg innverknad på totalkostnadene for næringa.

Vurderingane frå forskarane kan gje ein reduksjon i kvoten for norsk-arktisk torsk for 2001 i forhold til i år. Forhandlingane med Russland om norsk-arktisk torsk vil først vere ferdige 17. november, medan forhandlingane med EU ventast å vere ferdige tidleg i desember. Kvoten for norsk-vårgytande sild for 2001 er vesentleg redusert frå i år.

Dersom ein held eksporten av oppdrettsfisk utanfor, var eksportverdien av fisk og fiskeprodukt i perioden januar til september 2000 10,1 mrd. kroner. Dette er ein auke på om lag 2,0 pst. i forhold til same periode i fjor. Eksportert kvantum har gått opp med om lag 6,8 pst.

Prisane har gått opp frå 1999 til 2000 i dei fleste produktgruppene i torskesektoren. Med unntak av prisane for makrell, har prisane i sildesektoren vorte reduserte. Dette har blitt vege opp av auka mengde, særleg når det gjeld lodde.

Neste kapittel

Forrige kapittel

St.prp nr. 1 Tillegg nr. 9 (2000-2001)

FOR BUDSJETTERMINEN 2001 Om støttetiltak for fiskerinæringa for 2001 og endring av kapitla 336, 1064 og 4020

2 Utviklinga i fiskerinæringa dei seinare åra og utsiktene for 2001