Forslag til vedtak om ein del saker på Samferdselsdepartementets område
I
Stortinget samtykkjer i at:
Samferdselsdepartementet i 2004 kan kreditere statskassa sitt mellomvære med Luftfartsverket og debitere konto for forskuvingar i balansen med 110 524 068 kr.
stikkordet « kan overførast» blir tilføydd løyvinga under kap. 1320 Statens vegvesen, post 60 Forsøk, i statsbudsjettet for 2004.
Tromsø Veg AS får løyve til å krevje inn lokalt finansieringsbidrag på omsetning av drivstoff i Tromsø kommune i fire år for delfinansiering av Tromsøpakke 2, i samsvar med føresetnadene og vilkåra som går fram av denne proposisjonen.
II
Stortinget gir Samferdselsdepartementet fullmakt til å inngå avtale med Tromsø Veg AS og fastsetje nærare reglar for finansieringsordninga.