St.prp. nr. 79 (2003-2004)

Om samtykke til godkjenning av avgjerd i EØS-komiteen nr. 37/2004 av 23. april 2004 om innlemming i EØS-avtala av direktiv 2002/91/EF om energieffektivitet i bygningar

Til innhaldsliste

6 Administrative og budsjettmessige konsekvensar

Direktivet vil føre med seg administrative krav i samband med godkjenning og tilsyn med sertifiserings- og inspeksjonsordningane. Føresetnaden er at utgiftene i samband med gjennomføringa av direktivet, medrekna naudsynte godkjennings- og tilsynsordningar, vert dekte innanfor eksisterande budsjettrammer.

Når det gjeld sertifiserings- og inspeksjonsordninga, vil kostnadene verte dekte av seljarar og utleigarar av bygg, eventuelt òg av anleggseigarane. Kor store kostnader ordningane vil føre med seg, vil m.a. vere avhengig av kor omfattande nasjonale krav ein vil stille til energisertifikata og energiinspeksjonane.