St.prp. nr. 80 (2006-2007)

Om endringar i statsbudsjettet for 2007 som følgje av takstoppgjera for legar, psykologar og fysioterapeutar

Til innhaldsliste

3 Avtale om driftstilskot og takstar for fysioterapeutar

I forhandlingsmøte 24. mai 2007 blei Norsk Fysioterapeutforbund, KS og staten samde om eit tilrådd framlegg til revidert avtale om driftstilskot og takstar for fysioterapeutar. Avtalen skal gjelde for tidsrommet 1. juli 2007 – 30. juni 2008.

Avtalen føreset ei regulering av takstar og driftstilskot med 1,8 prosent per 1. juli 2007. Takstar, driftstilskot og fondsavsetningar aukar med same prosentsats.

Departementet tilrår at løyvinga for 2007 under kap. 2755 post 71 Refusjon fysioterapi blir auka med 16,0 mill. kroner.

Fastlønnstilskotet til kommunar med fysioterapeutstillingar var 139 600 kroner i 2006. Departementet tilrår at fastlønnstilskotet blir regulert til 144 200 kroner for 2006, og at kap. 2755 post 62 Tilskot til fastlønnsordning fysioterapeutar blir auka med 5,0 mill. kroner.