3 Avgjerda i EØS-komiteen

EØS-komiteen vedtok 26. oktober 2007 i avgjerd nr. 143/2007 at vedlegg XI (Telekommunikasjonstenester) til EØS-avtala skal endrast ved innlemming av europaparlaments- og rådsforordning (EF) nr. 717/2007 av 27. juni 2007 om internasjonal gjesting i offentlege mobiltelefonnett i Fellesskapet og om endring av direktiv 2002/21/EF.

Avgjerd nr. 143/2007 i EØS-komiteen inneheld ei innleiing og 4 artiklar. I innleiinga vert det vist til EØS-avtala, og særleg til artikkel 98, som gjer det mogleg å endre vedlegga til avtala gjennom avgjerd i EØS-komiteen. Artikkel 1 slår fast at vedlegg XI til EØS-avtala vert endra ved at forordninga vert teken inn.

Artikkel 5 i avgjerda slår fast at avgjerda tek til å gjelde når EØS-komiteen har motteke alle meldingar etter artikkel 103 nr. 1 i EØS-avtala. Det er berre Noreg som har teke atterhald om artikkel 103.