1,6 millionar kroner til rulleskianlegg på Rennebu Skistadion
Historisk arkiv
Publisert under: Regjeringen Solberg
Utgjevar: Kulturdepartementet
Pressemelding | Nr: 87/15 | Dato: 02.09.2015 | Sist oppdatert: 08.09.2015
Rennebu Idrettslag har fått 1 610 000 kroner frå Kulturdepartementet sitt anleggspolitiske program til bygging av eit rulleskianlegg på Rennebu Skistadion.
- Rulleskianlegget på Berkåk vil få trening på rulleski bort frå trafikkerte vegar. Anlegget ligg i eit viktig aktivitetsområde og vil óg vere eit tilbod til turgåarar, syklistar, eldre og menneske med nedsett funksjonsevne, seier kulturminister Thorhild Widvey.
Rulleskianlegg er eit prioritert område i det anleggspolitiske programmet for perioden 2014 – 2017. Tilskot til anlegg for idrett og fysisk aktivitet vert fordelt av overskotet i Norsk Tipping AS.
Søknaden frå Rennebu IL ski og skiskyttergruppe er anbefalt av Norges Skiforbund og Norges Skiskytterforbund.