Revidert nasjonalbudsjett:

21 millionar kroner til sykkel-VM i Bergen i 2016

I revidert nasjonalbudsjett for 2016 foreslår regjeringa ei løyving på 21 millionar kroner til planlegging og førebuingar til sykkel-VM i Bergen i 2017. Dette er i tråd med stortingsvedtak om at Kulturdepartementet kan inngå avtale med arrangøren av sykkel-VM om at staten dekkjer utgifter på inntil 30 millionar kroner. Resten av beløpet skal behandlast i samband med statsbudsjettet for 2017.

- Bergen og Noreg skal hausten 2017 vere vertskap for VM i landevegssykling. Dette er ei stor internasjonal hending som vil fange interessen til millionar av sykkelinteresserte over heile verda. Løyvinga på 21 millionar kroner i 2016 vil sikre framdrift i arbeidet med meisterskapen. Tilskotet i år skal gå til utbetring og sikring av løypene, og arbeid med omlegging av kollektivtrafikken, seier kulturminister Linda Hofstad Helleland.

- Sykkel er ein folkeaktivitet med eit entusiastisk publikum. Vi har stolte tradisjonar i sykkelsporten, flotte representantar for sykkelidretten og mange som er på veg opp. Eg ser  fram til ein spanande meisterskap som vil inspirere og skape stor merksemd om Noreg, seier kulturministeren.

Til toppen