30 millionar til rehabilitering av Vikingskipet på Hamar
Historisk arkiv
Publisert under: Regjeringen Solberg
Utgjevar: Kulturdepartementet
Pressemelding | Nr: 13/16 | Dato: 11.02.2016
- Med denne løyvinga legg vi til rette for at Hamar framleis skal vere ein av skøytemetropolane i verda, seier kulturminister Linda Hofstad Helleland.
I løpet av 2016 skal Vikingskipet få på plass eit nytt dekke for islegging. Kulturdepartementet gir 30 millionar kroner til rehabiliteringa, beløpet vil dekke nær halvparten av kostnadene.
- Vikingskipet er eitt av sju idrettsanlegg som har status som nasjonalanlegg. Anlegget er 24 år gamalt og dekket i hallen må rehabiliterast no, slik at vi har eit godt anlegg for hurtigløp på skøyter også i framtida, seier kulturministeren.
Med det nye dekket på plass vil Vikingskipet mellom anna vere klar som arena for VM på skøyter i 2017.
Kostnadane for rehabiliteringa kjem på totalt 61 millionar kroner, og blir delt mellom Hamar kommune og Kulturdepartementet. Dette er i samsvar med nasjonalanleggsavtalen, der Kulturdepartementet kan bidra med inntil 50 prosent av slike kostnadar.