3,6 millionar kroner til tru- og livssynsdialog

– Det er flott at det er så stort engasjement for dialogtiltak om tru- og livssynspolitiske spørsmål, seier kulturminister Linda Hofstad Helleland.

–  Eg er spesielt glad for at vi no gir tilskot til tiltak som både på kort og lang sikt styrker dialogen på tvers av tru og livssyn. Behovet for slik dialog er større enn nokon gong.

Det er stor breidde i prosjekta som får tilskot. Pengane går til tiltak i regi av trussamfunn og frivillige organisasjonar, men og til kommunale institusjonar.

Tiltaka som får støtte er særskilt lovande i arbeidet med å fremme gjensidig forståing og respekt for ulikheiter, og for felles verdiar som samfunnet bygg på. Dei vil og bidra positivt i den offentlege samtalen om tru- og livssynspolitiske tema.