Opna NM for studentbedrifter
Historisk arkiv
Publisert under: Regjeringen Solberg
Utgiver: Nærings- og fiskeridepartementet
Nyhet | Dato: 05.06.2014
-Dyktige unge talent er heilt avgjerande for at bedrifter skal kunne tilpasse seg framtidige krav og trendar, sa statssekretær Dilek Ayhan då ho opna NM for studentbedrifter.
19 studentbedrifter kjempar om NM-tittelen. Dei kjem frå heile landet og frå mange ulike bransjar. Vinnaren skal representere Noreg i EM i Amsterdam i juli.
-Eg er imponert over at studentar kan få til så gode resultat i så ung alder. Det lovar godt for morgondagens næringsliv, seier Dilek Ayhan.
Ungt Entrepenørskap er ein ideell organisasjon som i samspel med utdanningssystemet, næringslivet og andre aktørar arbeider for å utvikle kreativiteten, skapargleda og trua på seg sjølv hos barn og unge. Ungt Entrepenørskap hadde 210 463 elev- og studentaktivitetar i 2013. 16 100 frivillige frå arbeids- og næringsliv tok del i arbeidet.
Nærings- og fiskeridepartementet er med på å finansiere ordninga, og departementet støttar Ungt Entrepenørskap med 12,6 millionar kroner i 2014.