Priv. til red.:
Statsministerens program veke 26
Historisk arkiv
Publisert under: Regjeringen Solberg
Utgjevar: Statsministerens kontor
Pressemelding | Nr: 65/2014 | Dato: 20.06.2014
Statsminister Erna Solberg møter denne veka mellom anna Italias statsminister Matteo Renzi i Roma.
Statsministeren og statsrådane har normalt desse faste postane i vekeprogrammet: regjeringskonferanse torsdag kl. 12.30 og statsråd på Slottet fredag kl. 11.00.
Måndag 23. juni
Statsminister Erna Solberg møter Italias statsminister Matteo Renzi i Roma. Italia overtek EU-formannskapen 1. juli, og statsministrane vil drøfte aktuelle EU- og EØS-saker. Dei vil mellom anna diskutere dei felles utfordringane Europa står overfor med omsyn til migrasjon over Middelhavet. Solberg skal òg møte Italias president Giorgio Napolitano og eksekutivdirektør Ertharin Cousin i Verdas matvareprogram. Statsministeren skal vidare besøke den italienske kystvaktas operasjonssenter i Roma.
Pressekontakt er kommunikasjonssjef Trude Måseide, telefon 957 26 510.
Tysdag 24. juni
Kl. 10.00: Statsministeren og samferdselsministeren utfører den offisielle opninga av Strindheimtunnelen i Trondheim. Oppmøte ved prosjektkontoret.
Kl. 11.00: Statsministeren besøkjer Statoils forskingssenter på Rotvoll. Adresse: Arkitekt Ebbells veg 10.
Kl. 12.30: Statsministeren er til stades ved ei nasjonal brannøving på Trondheim lufthamn, Værnes.
Pressekontakt for statsministeren er kommunikasjonsrådgivar Tor Borgersen, telefon 909 38 987.
Kl. 19.00: Statsministeren er til stades på Aksepts hagekonsert på Grünerløkka i Oslo. Årets hagekonsert er ein del av Europride 2014. Adresse: Fagerheimgata 16.
Pressekontakt er kommunikasjonsrådgivar Arvid Samland, telefon 930 51 458.
Onsdag 25. juni
Kl. 12.00: Statsministeren og helse- og omsorgsministeren får overlevert den første forskings- og innovasjonsstrategien for det 21. hundreåret på områda helse og omsorg, HelseOmsorg21-strategien. Stad: Auditoriet på Rikshospitalet.
Pressekontakt er for statsministeren kommunikasjonsrådgivar Camilla Ryste, telefon 482 13 216.
Kl. 16.30: Statsministeren inviterer til mottaking i samband med Europride 2014, som no vert arrangert i Oslo. Mottakinga er for inviterte gjestar og går føre seg i regjeringas representasjonsanlegg i Parkveien 45.
Arrangementet er ope for presse. Oppmøte for pressefolk ved inngangen i Riddervoldsgate 2 frå kl. 15.45-16.15.
Pressekontakt er kommunikasjonsrådgivar Arvid Samland, telefon 930 51 458.
Kl. 20.00: Statsministeren taler ved opninga av Pride Park på Rådhusplassen i Oslo.
Pressekontakt er kommunikasjonssjef Trude Måseide, telefon 957 26 510.
Fredag 27. juni
Kl. 09.00: Statsministeren besøkjer Nydalen videregående skole, der ho møter elevar og lærarar og får ei orientering om realfagsatsinga til Sommerskolen Oslo. Pressa er velkomen til å delta. Adresse: Nydalsveien 30c.
Pressekontakt er kommunikasjonsrådgivar Tor Borgersen, telefon 909 38 987.
Kl. 17.30: Statsministeren deltek ved 125-årsjubileet for Kistefos træsliberi ved Kistefos-museet. Adresse: Samsmoveien 41, Jevnaker.
Pressekontakt er kommunikasjonssjef Trude Måseide, telefon 957 26 510.