Regjeringa legg opp til å auka løyvingane til vidareutvikling av reinseteknologi for gasskraftverk også i 2002. Til saman vert det sett av 35 millionar kroner over Olje- og energidepartementet og Miljøverndepartementet sine budsjett til forsking på dette feltet, ein auke på 30 prosent samanlikna med 2001.

-Dei auka løyvingane er ei vidareføring av det langsiktige arbeidet med å driva fram reinare gasskraft, seier olje- og energiminister Olav Akselsen.

Dei store gassressursane i Noreg og gode sjansar for å deponera CO ₂ gir eit godt grunnlag for arbeidet med å driva fram teknologiar for CO ₂-fjerning frå gasskraftproduksjon. Det er eit mål for satsinga at norske miljø skal liggja langt framme i utviklinga internasjonalt når det gjeld forsking og utvikling av teknologi som kan redusera utsleppa frå produksjon av gasskraft.