Auka tilgjenge og utvida universell utforming
Historisk arkiv
Publisert under: Regjeringen Bondevik II
Utgjevar: Miljøverndepartementet
Pressemelding | Dato: 14.10.2005 | Sist oppdatert: 24.10.2006
Regjeringa Bondevik foreslår 202 millionar kroner til handlingsplanen for auka tilgjenge i statsbudsjettet for 2006. Målet er at dei med nedsett funksjonsevne skal få like gode høve til personleg utvikling og til å utfalde seg som andre.
Pressemelding
Dato: 14.10.05
Miljøvernminister Knut Arild Hareide:
Auka tilgjenge og utvida universell utforming
Regjeringa Bondevik foreslår 202 millionar kroner til handlingsplanen for auka tilgjenge i statsbudsjettet for 2006. Målet er at dei med nedsett funksjonsevne skal få like gode høve til personleg utvikling og til å utfalde seg som andre.
Samfunnet skal ha plass for alle.
Regjeringa si handlingsplan for personar med nedsett funksjonsevne
er ein viktig plan for å nå målet. Regjeringa ønskjer å styrke
dette arbeidet, seier miljøvernminister Knut Arild Hareide.
Regjeringa si handlingsplan har verka i snart eit år og inneheld no meir enn 100 tiltak. I forslaget til statsbudsjett 2006 er til saman 202 millionar kroner øyremerka til planen på dei ulike departementa sine budsjett. På Miljøverndepartementet sitt budsjettområde foreslår regjeringa å auke dei tverrsektorielle stimuleringsmidlane til 20 millionar kroner.
15 departement samordnar sin innsats for å nedbyggja funksjonshemmande barrierar. Handlingsplanen legg vekt på universell utforming som strategi. Det vil seie å forme produkt, byggverk og uteområde slik at flest mogeleg får tilgang utan særskilt tilpassing eller hjelpemiddel. Handlingsplanen har ført til auka innsats på IKT, samferdsel, bygg og uteområde.
Kontaktperson: Avdelingsdirektør Jarle Jensen, telefon 22 24 59 25 mobil 975 050 56