Aukar løyvingane til vassforvaltning

Vassforvaltingsplanane har som mål å forbetre tilstanden i vassdrag, grunnvatn, fjordar og kyst. Fyrste planperiode strekkjer seg fram til 2022. Aukinga i løyvingane til tiltak er ein oppfølging av planane med særskilt fokus på konkrete prosjekt for miljøforbetring.

Tilskotet som kommunar, lag og andre kan søkja på, vil i 2017 vera på nær førti millionar kroner. Pengane skal fyrst og fremst gå til inngrep der ein ikkje har moglegheit til å påleggja nokon å utføre miljøforbetringa. Restaurering av vassdrag, fjerning av vandringshindre og utgreiingar er døme på kva det kan søkast om midlar til.

Også i 2017 vert det ei auke i løyvingane til overvaking i tråd med vassdirektivet. Samtidig som overvakinga på grunnvatn, innsjøar og kyst vert utvida, tek vi i 2017 eit krafttak for overvakinga av elver. Fleire enn ti store vassdrag skal overvakast for å finne ut korleis fisk og anna liv i elvane har det.  Mellom desse vassdraga er Glomma og Drammenselva i sør og Tana og Alta i nord. 

Her kan du lese meir:

• Tiltak for godt vannmiljø
• Utlysing av tilskot
• Vannportalen