Regjeringa foreslår å styrkja kulturlivet i Sogn og Fjordane med 600 000 kroner meir enn forslaget i 2006-budsjettet frå Bondevik-regjeringa.

Regjeringa foreslår å auka tilskotet til Sogn og Fjordane Teater med
500 000 kroner. Med denne ekstraløyvinga vil Regjeringa styrka verksemda ved regionteatra.

I tillegg vil regjeringa auka løyvinga til Bokbyen Fjærland med 100 000 kroner.

Forslaga til auka kulturstøtte til Sogn og Fjordane kjem i tilleggsproposisjon til statsbudsjettet som regjeringa legg fram.

Ei rekkje andre tiltak til påplussingar på kulturbudsjettet vil koma alle fylka til gode.