Bamble kommune får 100 000 kroner til inkludering i fritidsaktivitetar

I Fritidserklæringa går regjeringa, KS og frivillige organisasjonar saman for ein felles innsats slik at alle barn og unge uavhengig av familieøkonomi kan delta jamleg i fritidsaktivitetar. Som ein drahjelp har Kulturdepartementet no fordelt om lag ti millionar kroner for å stimulere til inkludering og integrering i fritidstilboda rundt om i landet.

- Midla som no er fordelt skal bidra til at barn frå økonomisk vanskelegstilte familiar kan delta på minst éin fritidsaktivitet. For å få til gode løysingar må kommunar, lokale foreiningar  og andre viktige samarbeidspartnarar spele på lag. I tildeling av midlar har vi lagt vekt på samarbeid mellom det offentlege og dei frivillige. Prosjekta skal inspirere andre, så ikkje alle må starte frå "scratch", seier kulturminister Linda Hofstad Helleland.

Bamble kommune og Bamble idrettsråd får 100 000 kroner til arbeidet mot barnefattigdom

Bamble har mål om at alle barn skal kunne delta på ein fritidsaktivitet.  Bamble idrettsråd og Bamle kommune vil etablere ein bruktbutikk for klær, sko og utstyr sentralt i kommunen. Butikken skal ha drivast som praksisbedrift og med dugnadsinnsats frå lag og foreiningar. Inntektene skal mellom anna gå til å støtte kontingentar.

- Mange kommunar, frivillige organisasjonar og idretten gjer i dag mykje for å inkludere barn og unge i aktivitetane sine. Gjennom felles innsats i lokalmiljøa, oppnår vi enda breiare deltaking. Tildelinga til Bamble synleggjer dei praktiske og gode løysingane ein har fått til lokalt, seier kulturminister Hofstad Helleland.