Statssekretær Bokhari til bokmessa i Frankfurt
Historisk arkiv
Publisert under: Regjeringen Solberg
Utgjevar: Utenriksdepartementet
Pressemelding | Dato: 10.10.2017
Statssekretær Laila Bokhari deltar 10.-11. oktober på verdas største bokmesse. Noreg er vald som hovudgjest på Frankfurt-messa i 2019.
– Vi er svært glade for at Noreg er hovudgjesteland i Frankfurt i 2019. Verda har for alvor fått auga opp for breidda og kvalitetane i norsk litteratur. Å vere gjesteland på Frankfurt-messa vil opne fleire dører for norske forfattarar internasjonalt. Eg er imponert over alt det gode arbeidet som allereie er lagd ned for å førebu gjestelandsprosjektet, seier statssekretær Bokhari.
Til stades på opninga av bokmessa er også forbundskanslar Angela Merkel og president Emmanuel Macron. I tillegg til å delta på opninga vil statssekretær Bokhari ha ei rekkje møte med representantar for bokmessa, det tyske utanriksdepartementet, Norla (Senter for norsk litteratur i utlandet), norsk bokbransje og Frankrike, som er gjesteland i 2017.
Regjeringa har dei siste åra styrka satsinga på kulturelle og kreative næringar. Gjestelandsprosjektet vil kunne bidra til å gjere norske forfattarskap meir kjend i utlandet.
Pressekontakt: UDs pressevakt på 23 95 00 02