Svar på spørsmål om å destruere sjokoladepålegget Nugatti
Historisk arkiv
Publisert under: Regjeringen Solberg
Utgjevar: Landbruks- og matdepartementet
Svar til Stortinget | Dato: 12.04.2016
Mottakar: Stortinget
Dykkar referanse:
Spm nr 859
Vår referanse:
16/478-
Landbruks- og matministeren har svart på skriftleg spørsmål frå stortingsrepresentant Line Henriette Hjemdal (KrF) om Mattilsynet sitt vedtak om å destruere sjokoladepålegget Nugatti då hasselnøttpastaen frå Tyrkia ikkje blei meldt rett inn til Mattilsynet før fortolling.
Stortingsrepresentant Line Henriette Hjemdal har stilt følgjande spørsmål:
"Mattilsynet har bestemt at 200 tonn av sjokoladepålegget Nugatti må destrueres grunnet hasselnøttpastaen fra Tyrkia ikke ble meldt riktig inn til Mattilsynet før fortolling, ifølge NTB. Partiet ble likevel frigitt i tollen og 500000 Nugatti-bokser er produsert. Det er et vedtatt mål å redusere matkastingen i Norge. Hvis det ikke ligger helsemessige årsaker bak kravet om destruksjon, vil statsråden foreta seg noe i denne saken?"
Svar:
Bakgrunnen for vedtaket til Mattilsynet om omsetningsforbod/avvising er at partiet av hasselnøttpasta ikkje er framstilt for grensekontroll. Det er omsyn til mattryggleik som ligg bak kontrollkravet. Saka er i følgje Mattilsynet no til behandling som ei ordinær klagesak ved hovudkontoret i Mattilsynet. Eg finn det derfor ikkje rett å kommentere vedtaket før klagen er slutthandsama.
For ordens skuld gjer eg merksam på at denne saka høyrer konstitusjonelt inn under Helse- og omsorgsministeren.
Med helsing
Jon Georg Dale