Diskuterte finansiering av klimatiltak
Historisk arkiv
Publisert under: Regjeringen Stoltenberg II
Utgjevar: Statsministerens kontor
Nyheit | Dato: 14.07.2010
Statsminister Jens Stoltenberg har denne veka leia eit møte i FNs høgnivågruppe for finansiering av klimatiltak. Gruppa skal presentera sin endelege rapport før FNs klimatoppmøte i Mexico i desember.
Statsminister Jens Stoltenberg har denne veka leia eit møte i FNs høgnivågruppe for finansiering av klimatiltak. Gruppa skal presentera sin endelege rapport før FNs klimatoppmøte i Mexico i desember.
FNs høgnivågruppe for finansiering av klimatiltak samla i New York denne veka. Foto: Statsministerens kontor.
På møtet i New York har gruppa diskutert moglege løysingar for korleis ein skal nå dei langsiktige finansielle måla frå klimatoppmøtet i København i 2009, om 100 milliardar dollar per år frå 2020 til finansiering av klimatiltak i fattige land.
– Gruppa diskuterer mange ulike finansieringskjelder. For å ta finansieringsspørsmålet eit steg vidare må me beskriva kor realistisk det er å gjennomføra dei ulike alternativa. Dette blir utfordrande når me skal ferdigstilla rapporten, seier Stoltenberg.
Stoltenberg leiar gruppa saman med Etiopias statsminister Meles Zenawi. I gruppa deltek også Guyanas president Bharrat Jagdeo og ministrar frå både fattige og rike land. I tillegg er det fleire økonomiske ekspertar med i gruppa, blant andre Lawrence Summers, George Soros og Nicholas Stern. Dette er det første møtet etter at Stoltenberg tok over som leiar av gruppa etter Gordon Brown.