Endringar i inndelingslova
Historisk arkiv
Publisert under: Regjeringen Stoltenberg II
Utgjevar: Kommunal- og regionaldepartementet
Pressemelding | Dato: 12.04.2013
Departementet føreslår at Kongen i statsråd skal kunne fatte vedtak om å flytte inntil éin kommune til eit anna fylke, uansett talet på innbyggjarar i kommunen.
Departementet føreslår at Kongen i statsråd skal kunne fatte vedtak om å flytte inntil éin kommune til eit anna fylke, uansett talet på innbyggjarar i kommunen.
Saker som gjeld to eller fleire kommunar, må Stortinget avgjere.
Inndelingslova seier i dag at Kongen kan gjere vedtak om grensejusteringar, men saker som får følgjer for fleire innbyggjarar enn dei som står bak kvart stortingsmandat i fylket, skal leggjast fram for Stortinget.
- Eg har vege omsynet til at Kongen ikkje skal kunne påverke samansetjinga av Stortinget, opp mot omsynet til praktisk sakshandsaming, seier kommunal- og regionalminister Liv Signe Navarsete.
Proposisjonen inneheld òg framlegg om andre mindre endringar i inndelingslova.