Fagrådet for Distriktssenteret
Historisk arkiv
Publisert under: Regjeringen Stoltenberg II
Utgjevar: Kommunal- og regionaldepartementet
Pressemelding | Dato: 12.06.2008
Kommunal- og regionaldepartementet har nemnt opp eit fagråd for det nye Distriktssenteret - Kompetansesenter for distriktsutvikling. Fagrådet skal ha ei rådgjevande rolle når det gjeld verksemda til Distriktssenteret, og skal medverka til god brukarorientering og å styrkja det faglege arbeidet i verksemda.
Kommunal- og regionaldepartementet har nemnt opp eit fagråd for det nye Distriktssenteret - Kompetansesenter for distriktsutvikling. Fagrådet skal ha ei rådgjevande rolle når det gjeld verksemda til Distriktssenteret, og skal medverka til god brukarorientering og å styrkja det faglege arbeidet i verksemda.
Ved samansetjing av fagrådet er det lagt vekt på å få med brukargrupper og andre personar med innsikt i fagområdet til Distriktssenteret. Fagrådet skal gje faglege råd om
- hovudlinene for verksemda til Distriktssenteret
- senteret sine årsplanar og strategiske planar
- det faglege arbeidet ved senteret og publikasjonane det gir ut
- andre saker som har mykje å seia for den faglege verksemda til Distriktssenteret.
Medlemmene i Fagrådet er:
- Geir Knutson, leiar - Sjølvstendig konsulent spesielt innan nordområdepolitikk, Bodø
- Elisabeth Angell, nestleiar - Forskar iNorut Alta, for tida i Bergen
- Jørgen Amdam - Rektor ved Høgskulen i Volda
- Ann Brudevoll - Rådgivar i Innovasjon Noreg Hedmark, avd. Tynset
- Lillian Hatling - Prosjektleiar for VRI-Trøndelag, Steinkjer
- Hilde Jensen, Stabssjef ved fylkesrådleiarkontoret i Troms, Tromsø
- Harald H Løland - Dagleg leiar for Sauda Vekst AS, Sauda
- Alf Olsen - Leiar for utvikling i Årdal kommune
- Helge Schei - Dagleg leiar av MERKUR-programmet, Førde
Varamedlemmer:
- Ragnvald Storvold - Prosjektkoordinator i Dyrøy kommune
- Gunnar Husby - leiar i Noregs Bygdeungdomslag, Orkdal
- Solfrid Borge - Ordførar i Ullensvang kommune
- Rune Øygard - Ordførar i Vågå kommune
- Eg fylgjer arbeidet med etablering av Distriktssenteret med stor interesse. Å finna gode og eigna medlemmer til Fagrådet er eit særs viktig steg i prosessen, seier kommunal- og regionalminister Magnhild Meltveit Kleppa.
Fagrådet skal møtast jamleg for å drøfta viktige faglege og prinsipielle spørsmål knytte til verksemda ved senteret. Distriktssenteret skal ha sekretariatsfunksjon for rådet.
Distriktssenteret er i full gang med arbeidet med etableringa i Steinkjer, Sogndal og Alstahaug. Det er tilsett direktør, avdelingsleiarar og kontorsjef. I midten av juni vert det lyst ut etter medarbeidarar. Totalt vil senteret få inntil 20 tilsette.
For meir informasjon om senteret, sjå www.distriktssenteret.no