Historisk arkiv

Fullmakt for opptak av statslån i 1996

Historisk arkiv

Publisert under: Regjeringen Brundtland III

Utgiver: Finans- og tolldepartementet


P R E S S E M E L D I N G
Finansdepartementet


9 november 1995

Fullmakt for opptak av statslån i 1996

Finansdepartementet legg i dag fram proposisjonen om fullmakt til å ta opp innanlandske og utanlandske statslån i 1996. Ein større del av statens samla finansieringsbehov i 1996 på 56,6 mrd. kroner vil bli dekt ved opptak av nye lån innanlands, medan resten blir dekt ved trekk på statens kontantbehaldning. Kor stor del av finansieringsbehovet det blir aktuelt å dekkje ved trekk på kontantbehaldninga avheng av behovet for å trekkje inn likviditet av pengepolitiske omsyn.

Utviklinga i valuta-, penge- og kredittmarknadene har vist at det er ønskeleg å ha rommelege fullmakter slik at ein kan tilpasse statens låneprogram til skiftande forhold gjennom året. Finansdepartementet har derfor bedt om fullmater til opptak av lån som samla sett overstig statens lånebehov. Fullmaktene for opptak av nye langsiktige innanlandske lån og nye lån i utanlandsk valuta er foreslått sett til høvesvis 60 mrd. kroner og 10 mrd. kroner. Fullmaktene for maksimalt utestående i kortsiktige lån blir foreslått haldne uendra: 100 mrd. kroner for kortsiktige marknadspapir (statssertifikat mv) og 70 mrd. kroner for andre kortsiktige lån.

Den konkrete gjennomføringa av låneprogrammet for 1996 vil ein kome tilbake til. Finansdepartementet planlegg, i samråd med Noregs Bank, å offentleggjere ein auksjonskalender i desember for salet av statsobligasjonar og stassertifikat.


Kontaktperson:
Informasjonssjef Janne-Gro Rygg, tlf: 22 34 41 09, priv: 22 92 15 94, personsøker: 966 38481


Lagt inn 10 november 1995 av Statens forvaltningstjeneste, ODIN-redaksjonen