Fullmakter til opptak av statslån i 2008

Finansdepartementet legg i dag fram proposisjonen om fullmakter til å ta opp statslån  2008.

Staten sitt brutto finansieringsbehov i 2008 er berekna til 14,9 milliardar kroner. Finansieringsbehovet vil etter planen bli dekt ved opptak av nye lån innanlands og ved trekk på kontantbeholdninga.

Det er ønskjeleg å ha fleksibilitet til å kunne tilpasse låneprogrammet til skiftande forhold gjennom året. Det er foreslått ei fullmakt for  opptak av nye langsiktige innanlandske lån på 40 milliardar kroner og ei fullmakt til å ha uteståande i kortsiktige marknadspapir (statskassevekslar) innanfor ei ramme på 80 milliardar kroner. 

Finansdepartementet og Noregs Bank vil  i desember offentleggjere ein auksjonskalender for sal av statsobligasjonar og statskassevekslar i 2008.