Fylkeskommunen og næringsutvikling
Historisk arkiv
Publisert under: Regjeringen Stoltenberg I
Utgjevar: Kommunal- og regionaldepartementet
Pressemelding | Dato: 11.10.2001 | Sist oppdatert: 23.10.2006
Fylkeskommunane skal i større grad leggje til rette for næringsutvikling. Løyvinga til dette vil auke i statsbudsjettet.
Pressemelding
Nr.: 157/2001
Dato: 11.10.2001
Statsbudsjettet 2002
Fylkeskommunen og næringsutvikling
Fylkeskommunane skal i større grad leggje til rette for næringsutvikling. Løyvinga til dette vil auke i statsbudsjettet.
Innsatsen neste år gjeld særleg breiband og entreprenørskap i distrikta. Ein slik innsats kjem som ei oppfølging av stortingsmeldinga om distrikts- og regionalpolitikken.
Regjeringa ønskjer å leggje til rette for utvikling av arbeids-, bu- og serviceregionar, og har gjort fleire grep i det nye statsbudsjettet for å styrkje ei slik utvikling.
Løyvinga ”Tilrettelegging for næringsutvikling ” blir auka med 42 millionar kroner, medrekna 22 millionar kroner til småsamfunnssatsing. Auken gir ei ramme på om lag 180 millionar kroner. Midlane skal brukast til å betre dei lokale rammevilkåra ved investeringar i infrastruktur. Regjeringa er særleg oppteken av at område som har dårleg breibanddekning (IKT-infrastruktur) skal få høve til nødvendige investeringar.
- I tillegg til den innsatsen som staten gjer, må kommunar og fylkeskommunar gjere eit felles lyft for større entreprenørskap, seier kommunal- og regionalminister Sylvia Brustad.