Heidra Signes Raspeball med Spesialitet-merket
Historisk arkiv
Publisert under: Regjeringen Solberg
Utgjevar: Landbruks- og matdepartementet
Nyheit | Dato: 31.03.2017
Landbruks- og matminister heidra Signes Raspeball med spesialitet-merket for unik smak på Bondeheimen i Oslo.
– For ein vestlending er det ekstra stas å heidre Signe sine raspeballar på sjølve komletorsdag. Raspeballar er ekte, norsk tradisjonskost og smakar heilt fantastisk, seier landbruks- og matminister Jon Georg Dale.
Signes Raspeball held til i Førde, og har sidan1995 trilla raspeballar til lokale butikkar, hotell og kaféar for hand. Raspeball, eller komle, klubb, ball eller kompe er ekte, norsk tradisjonskost. Konsistens, tilbehøyr og om dei er fylt med flesk eller ikkje, kan variere frå bygd til bygd. No håpar Signe at Spesialitet-merket kan bidra til at endå fleire oppdagar raspeballen, i fleire delar av landet.
Kva slags mat- og drikkevarer som får Spesialitet-merket blir bestemt av ein uavhengig fagjury, som sniffar, smakar og smattar seg gjennom produkta som ynskjer å bruke merket. Fagjuryen vurderer grundig kvalitet og smak før dei tildeler Spesialitet.