Helseminister Bent Høie besøker Bergen og Radøy kommune måndag 28. mai

Program: 

Kl. 09.00 – 10.30: Strax-huset/sprøyterommet, adresse:Damsgårdsveien 106

Helseminister Bent Høie og klima- og miljøminister Ola Elvestuen besøker Strax-huset og sprøyterommet i Bergen. Dei møter brukarar og tilsette og får ei orientering om tilbodet.

 

Kl. 10.45-11.45: Mottaks- og oppfølgingssenter Wergeland,
adresse: Storetveitvegen 5

MO-senteret følger opp personar som har rusproblem, og har merksemd på rehabilitering og brukarar som ønsker endring. Senteret tilbyr sosialt samvær, aktivitetar, helse- og sosialfagleg oppfølging, hjelp og støtte på veg ut av rusbruk og hjelp til å finne bolig. Høie møter brukarar og tilsette på senteret og et lunsj saman med dei.

Kl. 12.15-13.30: Arna Aktiv - rehabiliteringstiltaket for personar med rusproblem,
adresse: Øyrane Torg, Ådnavegen 63

For mange begynner den aller tøffaste jobben når rusbehandlinga er over. Då treng mange hjelp og støtte på fleire område. Arna Aktiv følger opp brukarane tett, gjennom aktivitetar og arbeidstrening. Målet er auka livskvalitet og eit steg i retning mot arbeidsretta tiltak eller arbeid. Høie møter brukarar av tiltaket, tilsette og samarbeidspartnarar.

Kl. 14.15-16.00: Floenkollektivet,
adresse: Toskavegen 400, Manger

Floenkollektivet er eit medikamentfritt behandlingstilbod for rusavhengige med gode resultat. Høie møter elevar og tilsette ved kollektivet. Delar av besøket er lukka for presse, men Høie og nokre elevar er tilgjengelege for kommentarar i etterkant av møtet.

Pressa er velkommen til å delta. Bent Høie og Ola Elvestuen er tilgjengelege for kommentarar.