Hilde Sirnes utnemnd til prost i Lister prosti

Sjømannsprest Hilde Sirnes (44) vart i statsråd i dag utnemnd til prost i Lister prosti i Agder og Telemark bispedøme.

Hilde Sirnes tok teologisk embetseksamen i 1993. I 1994 og 1995 var ho vikar som sokneprest  i Værøy og som kapellan i Flekkefjord. Frå 1995 til 2003 var ho familieterapeut ved Vest-Agder familiekontor. Frå 2003 til 2006 var ho sjømannsprest og styrar i Pattaya i Bangkok, og frå 2006 har ho vore sjømannsprest og styrar ved sjømannskyrkja i New Orleans.