Høg valdeltaking blant 16- og 17-åringane som deltok i forsøk

Ved dei tre førre kommunevala har berre 33 prosent av førstegongsveljarane stemt. Derfor er det gledeleg at 57,3 prosent av 16- og 17-åringane i kommunane som deltok i forsøket med nedsett stemmerettsalder stemte ved kommunevalet, seier kommunal- og regionalminister Liv Signe Navarsete.

Valdeltakinga blant 16- og 17-åringar i forsøkskommunane ligg samla på 57,3 prosent, men varierer mykje mellom kommunane. I Luster låg valdeltakinga blant 16- og 17-åringane på heile 82 prosent, 9 prosent over den generelle valdeltakinga. 

I den største forsøkskommunen, Stavanger, låg deltakinga blant 16- og 17-åringane på 61,5 prosent, på høgd med den generelle valdeltakinga.
Det er enda ikkje tal tilgjengeleg for valdeltakinga for førstegangsveljarane  ved kommuneval mellom 18 og 21 år ved årets kommuneval, så vi veit enda ikkje om desse har høgare valdeltaking enn ved dei førre kommunevala.

- Vi hadde håpt og trudd at vi skulle greie å mobilisere fleire til å bruke stemmeretten sin ved dette valet. Eit lyspunkt her er valdeltakinga blant 16- og 17-åringane i dei 20 forsøkskommunane som prøver ut nedsett stemmerettsalder, seier kommunal- og regionalminister Liv Signe Navarsete.

- Valdeltakinga blant 16- og 17-åringane ligg her langt over det som er vanleg for førstegongsveljarane. Vi har enno ikkje tal ved årets val når det gjeld den generelle valdeltakinga blant unge veljarar. Vi veit derfor ikkje om høgare valdeltaking er ein trend blant dei unge veljarane eller om det gjeld berre for ungdommane som deltok i forsøket, men ved dei tre førre vala har deltakinga blant førstegongsveljarar vore berre 33 prosent, seier Liv Signe Navarsete.

Kommunal- og regionaldepartementet sin pressetelefon: 22 24 25 00

• Excel versjon av foreløpige tall 14092011

FORELØPIGE TALL 14092011 kl. 1200

Kommnr	Kommnavn	Antall godkjente stemmegivninger fra 16/17 åringer	Antall stemmeberettigede 16/17 åringer	Fremmøte 16/17 åringer	Fremmøte totalt i kommunen. Foreløpig*	Opptellings status
0805	Porsgrunn	454	885	51,30	61	opptalt
0119	Marker	60	82	73,17	64,4	opptalt
0230	Lørenskog	505	919	54,95	63,6	opptalt
0403	Hamar	402	671	59,91	66,3	opptalt
0515	Vågå	62	87	71,26	66,9	opptalt
0621	Sigdal	57	92	61,96	62,2	opptalt
0716	Re	115	254	45,28	63,2	opptalt
0904	Grimstad	365	613	59,54	61,6	opptalt
1002	Mandal	242	409	59,17	61,2	opptalt
1122	Gjesdal	186	340	54,71	65	opptalt
1103	Stavanger	1933	3144	61,48	62,1	lite gjenstår
1244	Austevoll	79	143	55,24	72,8	opptalt
1426	Luster	120	146	82,19	73,1	opptalt
1633	Osen	17	29	58,62	73,3	opptalt
1725	Namdalseid	31	45	68,89	64,3	opptalt
1850	Tysfjord	36	61	59,02	76,1	opptalt
2004	Hammerfest	112	250	44,80	55,4	opptalt
2011	Guovdageainnu suohkan / Kautokeino	52	88	59,09	64,2	opptalt
1940	Gaivuona suohkan / Kåfjord	50	78	64,10	61,9	opptalt
1501	Ålesund	517	1078	47,96	59,1	opptalt
	Gjennomsnitt	5395	9414	57,3082643

 

* Basert på godkjente stemmesedler. Blanke og forkastede ikke medregnet.