Eriksen Søreide til utanriksministermøte i Canada

- Eg ser fram til å møte mine kollegaer frå om lag 30 land i Montreal. Møtet tar opp viktige og aktuelle internasjonale utfordringar som mellom anna fred, tryggleik og handel. At møtet skjer få dagar før starten av FNs generalforsamling gir også høve til å byrja samtalene om aktuelle utanrikspolitiske sakar som blir tema under høgnivåuka i FN i New York, seier utanriksminister Eriksen Søreide.

Canadas utanriksminister, Chrystia Freeland og EUs høgrepresentant for utanrikssaker, Federica Mogherini er vertskap for møtet.

- At dette er den første samlinga av kvinnelege utanriksministrar, gir høvet til å understreke at den internasjonale innsatsen for likestilling må fortsette og korleis likestilling er nært knyta til målsettingane om økonomisk utvikling og fred og tryggleik, seier Eriksen Søreide.

Utanriksminister Eriksen Søreide vil i tillegg til deltakinga på utanriksministermøtet ha bilaterale møte med fleire av deltakarane.

Pressekontakt: Frode Overland Andersen, 917 22 022 (med på reisa)