Innstramming av praksis for einslege mindreårige asylsøkjarar
Historisk arkiv
Publisert under: Regjeringen Stoltenberg II
Utgjevar: Arbeids- og inkluderingsdepartementet
Pressemelding | Nr: 132 | Dato: 14.10.2009
Fleire einslege mindreårige asylsøkjarar utan behov for vern må returnere til heimlandet når dei er fylt 18 år som ein følgje av at Arbeids- og inkluderingsdepartementet samtykkjer til praksisendringar i Utlendingsdirektoratet.
Fleire einslege mindreårige asylsøkjarar utan behov for vern må returnere til heimlandet når dei er fylt 18 år som ein følgje av at Arbeids- og inkluderingsdepartementet samtykkjer til praksisendringar i Utlendingsdirektoratet.
Endringane er ei oppfølging av innstrammingstiltaket til regjeringa for å redusere talet på asylsøkjarar og gjeld einslege mindreårige asylsøkjarar utan behov for vern.
– Innstrammingane kan hjelpe til å redusere talet på einslege mindreårige asylsøkjarar som kjem til Noreg utan eit behov for vern, seier statssekretær Libe Rieber-Mohn.
Utlendingsdirektoratet skal vurdere høvet for at barn trygt kan ta opphald i ein annan del av heimlandet enn dei kjem frå, og vurdere høvet for eit avgrensa løyve for barn mellom 16 og 18 år.
– I tillegg endrar vi praksisen slik at dei mindreårige asylsøkjarane får større ansvar for å skaffe dokumentasjon på alder og identitet. Direktoratet kan nå avslå ein asylsøknad der det er tvil om søkjaren sin alder, og det er rimeleg å krevje at søkjaren fremjar dokumentasjon sjølve, seier Rieber-Mohn.
Nærmare detaljar om dei einskilde endringane i brev frå departementet:
- Samtykke - Praksisforeleggelse vedrørende enslige mindreårige asylsøkeres plikt til å avklare identitet
- Praksisforeleggelse – enslige mindreårige asylsøkere fra Irak – tillatelse etter utlendingsforskriften § 21 tredje ledd for enslige mindreårige asylsøkere uten beskyttelsesbehov med omsorgsperson i trygt område – samtykke
- Praksisendring etter utlendingsloven § 8 annet ledd, jf. utlendingsforskriften §§ 21 d og 21 tredje ledd for enslige mindreårige asylsøkere fra Afghanistan og Sri Lanka-samtykke