Historisk arkiv

Innstrammingstiltak om asyl sendt på høyring

Historisk arkiv

Publisert under: Regjeringen Stoltenberg II

Utgjevar: Arbeids- og inkluderingsdepartementet

Regjeringa vil redusere talet på asylsøkjarar som ikkje har behov for vern. Difor blei det kunngjort 13 tiltak i september for å redusere talet på asylsøkjarar som kjem til Noreg. Arbeids- og inkluderingsdepartementet har no sendt fem av regjeringa sine forslag på høyring.

Regjeringa vil redusere talet på asylsøkjarar som ikkje har behov for vern. Difor blei det kunngjort 13 tiltak i september for å redusere talet på asylsøkjarar som kjem til Noreg. Arbeids- og inkluderingsdepartementet har no sendt fem av regjeringa sine forslag på høyring.

- Regjeringa vil mellom anna at praksis etter Dublin II-reglane skal tilpassast praksis i andre land. Mellom anna skal hovudprinsippet i Dublin II-reglane gjelde med mindre særlege grunnar tilseier unntak. Samstundes foreslår også regjeringa at einslege asylsøkjarar over 16 år, som i dag får løyve åleine fordi norske styresmakter ikkje finn omsorgspersonar i heimlandet, etter ei individuell vurdering kan få mellombels løyve utan rett til fornying. Alle fem forslaga som no blir send på høyring er viktige steg i arbeidet med å omsetje politikk til praksis, seier arbeids- og inkluderingsminister Dag Terje Andersen.

Bakgrunnen for regjeringa sine innstrammingstiltak var at det per september 2008 hadde kome meir enn dobbelt så mange asylsøkjarar samanlikna med same tid i 2007, og at heile 60 prosent av desse fekk avslag på sin søknad.

- Etter å ha opplevd ei markant auke i talet på nye asylsøkjarar det siste året, var det naudsynt å stramme inn asylpolitikken. Nettopp difor la regjeringa fram tiltakspakka, seier statsråden.

 


Følgjande tiltak er omfatta av høyringa: 

Tiltak 1: Praksis kring opphald på humanitært grunnlag skal basere seg på individuell handsaming av ei sak, og ikkje ei gruppevurdering knytt til eit landområde.

Tiltak 2: I saker der internflukt er mogeleg, skal ikkje mangel på tilknyting til eit geografisk område åleine vere nok til å få opphald på humanitært grunnlag.

Tiltak 4: Praksis etter Dublin II-reglane skal tilpassast praksis i andre land. Mellom anna skal hovudprinsippet i Dublin II-reglane gjelde med mindre særlege grunnar tilseier unntak. Retur av asylsøkjarar til Hellas eller retur av einslege mindreårige asylsøkjarar skal vurderast individuelt. 

Tiltak 6:  Etter individuell vurdering kan einslege mindreårige asylsøkjarar over 16 år, som i dag får løyve åleine fordi norske styresmakter ikkje finn omsorgspersonar i heimlandet, få mellombels løyve utan rett til fornying.

Tiltak 12: Eit forslag til forskrift som avgrensar handsaming i nemndmøte i UNE til dei vesentlege tvilsspørsmåla i ei sak, skal sendast på høyring.

Høyringsbrevet gjer greie for kva endringane går ut på i meir detalj.
Frist for å uttale seg er sett til 6. januar 2009.

Høyringsbrev om endringar i utlendingsforskrifta