Kamp om årets nasjonale bygdeutviklingspris
Historisk arkiv
Publisert under: Regjeringen Solberg
Utgjevar: Landbruks- og matdepartementet
Nyheit | Dato: 19.12.2013
Antistoff frå egg, produksjon og foredling av løk eller ein «Inn på tunet» gard? Vinnaren av Innovasjon Norges nasjonale bygdeutviklingspris vert å finna blant desse. Prisen som er på heile 250 000 kroner, vert delt ut i samband med Internationale Grüne Woche (IGW) i Berlin i januar 2014.
Antistoff frå egg, produksjon og foredling av løk eller ein «Inn på tunet» gard? Vinnaren av Innovasjon Norges nasjonale bygdeutviklingspris vert å finna blant desse. Prisen som er på heile 250 000 kroner, vert delt ut i samband med Internationale Grüne Woche (IGW) i Berlin i januar 2014.
Dei tre nominerte er:
- Angedal Gard, Førde i Sogn og Fjordane
- Balke gård, Østre Toten i Oppland
- Moer gård og Norwegian Antibodies AS – Ås i Akershus
Bygdeutviklingsprisen vart etablert i 1997 for å synliggjere og vere ei inspirasjonskjelde for vellykka nærings- og forretningsutvikling i – og i tilknyting til landbruket. Kandidatane vert vurdert etter lønnsemd, sysselsetting, sosial- og miljømessig bærekraft og nyskaping eller originalitet. Det vert kåra ein vinner i kvart fylke. Prisen på 50 000 kroner vert delt ut av fylkeskontora til Innovasjon Norge. Fylkesvinnarane konkurrerer om den nasjonale prisen på 250 000 kroner.
